सिद्धार्थ गौतम बुद्ध क्याम्पसका विद्यार्थीद्वारा एक दिने महिनावारी स्वच्छता व्यवस्थापन कार्यक्रम सम्पन्न

सिद्धार्थ गौतम बुद्ध क्याम्पस, बुटवलको शिक्षा शास्त्र संकाय दोस्रो वर्षमा अध्ययनरत छात्राहरुको आयोजना तथा श्री नवरत्न माध्यमिक विद्यालय, सेमलारको सहयोगमा एक दिने सह– पाठ्यक्रम गतिविधि (CCA)अन्तर्गतको महिनावारी स्वच्छता व्यवस्थापन सम्बन्धि कार्यक्रम श्री नवरत्न माध्यमिक विद्यालय, सेमलारमा सम्पन्न भएको छ । क्याम्पसको (CCA) समिति संयोजक रीता रेग्मीको अध्यक्षतामा सम्पन्न भएको उक्त कार्यक्रमका प्रमुख अतिथि विद्यालय व्यवस्थापन समितिका अध्यक्ष श्री कृष्ण प्रसाद भुसालले क्याम्पसले चालेका यस्ता कदमले एकातर्फ समाजमा जनचेतना बृद्धि गर्न सहयोग पु¥याउने भने अर्कातर्फ विद्यालय क्याम्पसको सुमधुर सम्बन्ध स्थापित गर्न सहयोग पुग्ने विश्वास व्यक्त गर्नु भएको थियो । सोही कार्यक्रममा विशिष्ट अतिथि क्याम्पसका क्याम्पस प्रमुख श्री विष्णु प्रसाद रानाले नवरत्न विद्यालयका न्यून आयस्रोत भएका विद्यार्थीहरुलाई उच्च तह अध्ययन गर्नका लागि सहयोग गर्ने प्रतिबद्दता जनाउनु भएको थियो ।
विद्यार्थी प्रशिक्षक दिव्या ज्योति भुसाल, बिन्दु खत्री, निशा विश्वकर्मा, प्रिया परियार, मुस्कान खातुन, अंकिता उमरको प्रशिक्षणमा संचालित उक्त कार्यक्रममा माध्यमिक तहका ६० जना भन्दा बढि विद्यार्थीहरु सहभागी भएका थिए । प्राध्यापक श्री तिर्थराज काफ्लेको सञ्चालन र श्री गंगा नेपालको स्वागत मन्तव्य रहेको उक्त कार्यक्रममा विद्यालयका प्राचार्य हेमराज आचार्य, क्याम्पसका सहायक क्याम्पस प्रमुख मनोज सापकोटा, उप प्राध्यापक कृष्ण प्रसाद शर्मा, जेनिथ शर्मा लगायतको उपस्थिति थियो ।